भेज मःम Suresh Dulal आवश्यक सामग्री बन्दाकोभी १ केजी, पिठो १ केजी, मस्यौरा १०० ग्राम , गाँजर २ वटा , प्याज ४ वटा, पनीर २०० ग्राम, अदुवा, लसुन पेस्ट २ चम्चा, नुन स्वाद अनुसार, तेल आवश्यकता अनुसार । विधि मस्यौरालाई तातो पानीमा १० मिनेट भिजाउने र पानी निचोरेर मसिनो हुने गरी काटेर राख्ने । अनि नून हाल्ने र फेरी ननिस्किएको पानीलाई निकाल्ने । गाँजर र प्याजलाई पनि मसिनो हुने गरी काटेर मस्यौरा सँग सबै एकै ठाउँमा मिसाउने अनि अलिकति तेल पनि हाल्ने । केही बेर भुट्ने र निकालेर कोरेसोमा कोरेको पनीरको धूलो हाल्ने त्यसमा पिसेको अदुवा र लसुनको पेस्ट, धनियाको धुलो , अजिनोमोटो, मःम मसला र नून स्वाद अनुसार हालेर मुछ्ने । त्यसपछि किमा जस्तो बनाउने । अब पिठो मुछेर बेलेर बनाएको मःम आकारको ठिक्कको पातालो रोटीमा आवश्यकता अनुसार किमा हाली पोको पार्ने । अब मःम तयार भयो । तयारी मःमलाई मःमको भाडोमा अलिकति तेल लगाई ५, ८ मिनेट सम्म बफाउने । अब मःम तयार भयो । ताततातो मः म अचारसँग खान सकिन्छ ।

Please feel free to send comments