Saturday, February 23rd, 2019
चिनियाँ स्मार्टफोन ब्राण्ड न्यूबियाले विश्वमै पहिलोपटक शरीरमा पहिरिन सकिने स्मार्टफोन ल्याउने

चिनियाँ स्मार्टफोन ब्राण्ड न्यूबियाले विश्वमै पहिलोपटक शरीरमा पहिरिन सकिने स्मार्टफोन ल्याउने

चिनियाँ स्मार्टफोन ब्राण्ड न्यूबियाले विश्वमै पहिलोपटक शरीरमा पहिरिन सकिने स्मार्टफोन ल्याउने भएको छ ।

बार्सिलोनामा हुने मोबाइल वर्ल्ड कंग्रेस, २०१९ मा कम्पनीले एउटा फ्लेक्सिबल स्मार्टफोन लञ्च गरी कम्पनीले आफ्नो उपस्थिति जबरजस्त दर्ज गर्दैछ । नुबिया अल्फा नामक उक्त डिभाइस यसअघि जर्मनीको बर्लिनमा आयोजित आइएफए २०१८ मा प्रदर्शन गरिएको थियो । यद्यपि, त्यतिबेला कम्पनीले उक्त डिभाइसको डमी प्रोटोटाइप मात्र प्रदर्शन गरेको थियो, जुन काम गर्ने खालको थिएन । अब चाहिँ कम्पनीले यो डिभाइसलाई विश्वव्यापी रुपमा लञ्च गर्ने तयारी गरेको हो ।

नुबिया अल्फा स्मार्टफोनलाई हातको नाडीमा लगाउन सकिन्छ । यसको डिस्प्ले ठूलो आकारको र कव्र्ड रहेको छ । यसमा फ्लेक्सिबल डिस्प्ले टेक्नोालेजीको प्रयोग गरिएको छ । यो डिभाइसमा फ्रन्ट क्यामराका साथै माइक्रोफोन पनि रहेको छ । डिभाइसको दुबैतर्फ बटन हुनुका साथै पछिल्लो भागमा चार्जिंग पिन्स र मुटुको धड्कनको रेट मापन गर्ने सेन्सर रहनेछ ।

कम्पनीले यो डिभाइसको मूल्य तथा अन्य फिचरका बारेमा विस्तृत विवरण दिएको छैन ।

यद्यपि न्यूबिया अल्फा पहिरिन मिल्ने स्मार्टफोन निर्माणको पहिलो प्रयास होइन । यसअघि गत वर्ष जेडटिइ कम्पनीले आफ्ना एक्सोम एम डिभाइस पेश गरेको थियो । जसमा दुईवटा डिस्प्ले र बीचमा एउटा जोर्नी थियो ।

Share This: