छोटो भिडियो तथा फोटो शेयरिंग प्लाटर्फम इन्स्टाग्रामले विश्वभरका सबै प्रयोगकर्ताका लागि रील्स डाउनलोड फिचर उपलब्ध गराउन सुरु गरेको छ । यो फिचरका माध्यमबाट प्रयोगकर्ताहरुले थर्ड पार्टी एप प्रयोग नगरकिनै रील्स डाउनलोड गर्न पाउनेछन् ।

यस्तो छ इन्स्टाग्राम रील्स डाउनलोड गर्ने विधि :-
सबैभन्दा पहिले सम्बन्धित रीललाई खोल्नुहोस् जसलाई तपाईं डाउनलोड गर्न चाहनुहुन्छ
त्यसपछि एपको दायाँ भागमा रहेको शेयर आइकनमा ट्याप गर्नुहोस्
त्यसपछि Copy Link अप्सनको छेउँमा रहेको डाउनलोडको अप्सन देखिनेछ
डाउनलोड अप्सनमा ट्याप गरेर तपाईं रील्स डाउनलोड गर्न सक्नुहुन्छ

प्यान्क्रियाज क्यान्सरलाई जटिल क्यान्सर मानिन्छ । प्यान्क्रियाज एक पाचन अंग हो, जसले पाचन रस र हार्मोन उत्पादन गर्छ । खाना पचाउन मद्दत गर्ने यो ग्रन्थीले पाचन इन्जाइमहरु निकाल्न र रक्त सुगर स्तर नियन्त्रण गर्न भूमिका खेल्छ ।

धेरै रक्सी खाने, धुम्रपान गर्ने, मोटोपन र मधुमेहको समस्या भएका व्यक्तिलाई प्यान्क्रियाजको क्यान्सर हुने जोखिम बढी हुन्छ । प्यान्क्रियाजमा लामो समयसम्म संक्रमण भइरहेमा क्यान्सर हुन सक्छ ।

लक्षण

• पेट दुख्ने
• ढाड दुख्ने
• सर्जिकल जन्डिस हुने
• दुब्लाउँदै जाने
• एकै महिनामा पाँच केजी जति तौल घट्ने जस्ता लक्षण देखिन्छन्

उपचार
प्यान्क्रियाज क्यान्सरको सबैभन्दा पहिलो र उत्तम उपचार शल्यक्रिया नै हो । हेड अफ द प्यान्क्रियाजमा क्यान्सर छ भने ह्विपल शल्यक्रिया गर्नुपर्छ । जुन शल्यक्रियामध्ये ठूलो र जटिल शल्यक्रिया अर्थात् मेडिकल भाषामा फ्वाडर अफ अल द अप्रेसन भनिन्छ । ह्विपल सर्जरीबाट प्यान्क्रियाज क्यान्सर निकालिन्छ । यसको शल्यक्रिया गर्न ८ देखि १० घण्टा समय लाग्छ ।

शल्यक्रिया गर्न नमिलेको खण्डमा किमोथेरापी र रेडियोथेरापी गरिन्छ । यसले क्यान्सरको लक्षण सुधार गर्न र नियन्त्रण गर्न सहयोग गर्छ ।

गुगलका अनुसार पछिल्लो २ वर्षदेखि निस्क्रिय रहेका जिमेल अकाउन्टहरु डिलिट गरिनेछ । त्यसैले नियमित रुपमा जिमेल, गुगल डक्स, क्यालेन्डर तथा गुगल फोटोज जस्ता एपहरुको प्रयोग गर्ने प्रयोगकर्ताहरुले गुगलको पछिल्लो कदमबाट चिन्तित हुनुपर्ने देखिन्छ। दुई वर्षसम्म निस्क्रिय रहेका जिमेल अकाउन्ट हटाइदिने कदमका लागि गुगलले नयाँ नीति बनाएको छ । गुगलका अनुसार जो अकाउन्टहरु लामो समयदेखि प्रयोग भैरहेका हुँदैनन् त्यस्ता अकाउन्टमाथि साइबर हमलाको जोखिम उच्च हुन्छ ।

त्यसैले यदि तपाईंको जिमेल अकाउन्ट पनि दुई वर्षदेखि प्रयोग गर्नुभएको छैन र त्यो अकाउन्ट डिलिट नहोस् भन्ने चाहनुहुन्छ भने तत्कालै त्यसमा लगइन गर्नुहोस् । इदि तपाइँले लामो समयदेखि प्रयोग नगरिरहेको अकाउन्टको पासवर्ड भुल्नुभएको छ भनेपनि त्यसलाई रिसेट गर्न सक्नुहुन्छ । यसका अलावा सेक्योरिटी चेक गर्ने तथा टू फ्याक्टर अथेन्टिकेसन आदि फिचर पनि सक्रिय बनाउनु उपयुक्त हुन्छ ।

अकाउन्टहरुलाई डिलिट गर्नुअघि गुगलले प्रयोगकर्ताहरुलाई केही समययता लगातार सन्देश पठाइरहेको छ ।

• शुक्रबार सुनको मूल्य तोलामा ३०० रुपैयाँले घटेर एक लाख १६ हजार ३००, तेजावी सुनको मूल्य एक लाख १५ हजार ७५० रुपैयाँ तोकिएको छ । चाँदीको मूल्य तोलामा पाँच रुपैयाँले बढेर एक हजार ४५० रुपैयाँ कायम भएको छ ।
• उन्नति सहकार्य लघुवित्तको एफपीओ बाँडफाँट भएको छ । बिक्री प्रवन्धक सिद्धार्थ क्यापिटलले एक कार्यक्रमका बीच लघुवित्तको एफपीओ बाँडफाँट गरेको हो । स्वीकृत भएका १० लाख ७२ हजार ४४३ आवेदकबाट गोलाप्रथा गर्दा १७ हजार ८४५ जनाले सेयर पाएका छन् ।
• नेपालमा सरकारले एक हजार रुपैयाँ आन्तरिक राजस्व संकलन गर्न ३.३८ पैसा खर्च गरेको छ । यस आवमा ४ खर्ब ७९ अर्ब ७९ करोड रुपैयाँ राजस्व उठेको थियो । यस आवमा विभाग र मातहतका कार्यालयबाट चालु तथा पूँजीगततर्फ कुल १ अर्ब ४१ करोड रुपैयाँ खर्च भएको छ । जस अनुसार यस आवमा प्रतिहजार कर संकलन लागत ३.३८ रुपैयाँ रहेको देखिन्छ ।

बालबालिका बिरामी भइरहनुमा इम्युनिटी पावर अर्थात् रोग प्रतिरोधात्मक क्षमता कमजोर हुनु एउटा मुख्य कारण हो । जाडोयाममा बालबालिकालाई रुघाखोकी, निमोनिया, झाडापखाला र हाइपोथर्मियाले धेरै सताउँछ । त्यसका लागि रोगप्रतिरोधात्मक क्षमता बढाउने केही उपाय अबलम्बन गर्नु जरुरी छ ।

खानपान
रोगप्रतिरोधात्मक क्षमता बढाउन बालबालिकालाई प्रोटिन, मिनरल्स, फाइबर, आइरनलगायत पोषण तत्व खुवाउनुपर्छ । जस्तै, गेडागुडीको झोल, हरियो सागपात, अण्डा, माछा मासुलगायत घरमै बनेको स्वस्थ खानेकुरा खुवाउन सकिन्छ । यसले शरीरलाई आवश्यक पोषक तत्व दिएर इम्युनिटी बढाउँछ । बाहिरी प्याकेजिङ खानेकुरा जंकफुड, कोल्ड डिंकबाट टाढा राख्नुपर्छ

व्यायाम
इम्युनिटी पावर बढाउन पाँच वर्षभन्दा माथिका बालबालिकाले व्यायाम गर्न सकिन्छ । यसमा साइक्लिङ, स्किपिङ, मर्निङ वाक गराउन सकिन्छ । यसले मुटु, फोक्सो, हड्डी, मांसपेशी, मानसिक रुपमा स्वास्थ्य बनाउन मद्दत गर्छ ।

पर्याप्त निद्रा
बालबालिकाको निद्राको कमीले गर्दा पनि इम्युनिटी कम हुन्छ । त्यसैले बालबालिकालाई भने १० देखि १४ घण्टा सुताउनुपर्छ । बालबालिकालाई समयमा पूरा निद्रा सुतेमा उनीहरुको रोगप्रतिरोधात्मक क्षमता बढ्छ । रोग लाग्ने जोखिम कम हुन्छ ।

सरसफाइ गर्न लगाउने
बालबालिकाहरु जाडोमा अल्छीले हातमुख नै नधोई खाना, खाजा खाएमा विभिन्न कीटाणु शरीरभित्र प्रवेश गर्न सक्छन् । जसले प्रतिरोधात्मक क्षमता कम गराउँछ । त्यसैले यसलाई बढाउन खाना खानुअघि हातमुख धुन लगाउने, सफा लुगा लगाइदिने, नङ काटिदिने, मनतातो पानीले नुहाइदिने गर्नुपर्छ ।

घाम ताप्न लगाउने
जाडोयाममा बालबालिकालाई कम्तीमा आधा घण्टा घाम ताप्न दिनुपर्छ । यसले शरीर न्यानो बनाउनुका साथै भिटामिन डी पनि परिपूर्ति गर्छ । भिटामिन डीले पनि रोगप्रतिरोधात्मक क्षमता बढाउन मद्दत गर्छ ।

मानिसको मनमा विभिन्न भावना आइरहेको हुन्छ, तीमध्ये केही नकारात्मक भावना पनि हुन्छन् । त्यस्तो भावना आउँदा एक किसिमको असहजता र तनाव पनि हुन्छ । जब यस्ता भावनाहरू आउँछन् हामी तुरुन्तै त्यसलाई अस्वीकार वा स्वीकार गर्न सक्दैनौं ।

आफ्नो भावनालाई स्वीकार गर्नुपर्छ
हाम्रा भावनाहरूलाई दबाउनुको सट्टा स्वीकार गर्नुपर्छ । जब यस्तो भावनालाई प्राकृतिक मानिन्छ, नकारात्मक भावनाहरू स्वतः हराउन थाल्छन् । आफ्नो रोजाइको हल्का काम गरेर यी भावनालाई सकारात्मक मोड दिन सकिन्छ ।

भावनाहरूको मूल्यांकन
आफ्नो भावना पहिचान गर्ने प्रयास गर्नुपर्छ । सही र गलतको निर्णय विवेकपूर्वक लिनुपर्छ । यसो गर्दा के महसुस गरिरहेको छ भनेर अझ राम्रोसँग बुझ्न मद्दत मिल्छ यो सोच सही कि गलत भनेर रु सही निर्णय लिनेबित्तिकै असहज भावनाहरू स्वतः हट्नेछन् ।

ध्यान केन्द्रित गर्नुपर्छ
हामीभित्र र वरपर घटिरहेका घटना वा परिस्थितिहरूको बारेमा ध्यान दिएमा नकारात्मक भावनालाई सकारात्मक मोड दिन र मूल्यांकन गर्न सहयोग मिल्छ । हामीले आफ्नो सम्पूर्ण ध्यान हामी जहाँ छौं त्यस क्षणमा केन्द्रित गर्नुपर्छ र त्यो क्षणलाई पूर्ण रूपले अनुभव गर्न सक्नुपर्छ ।

अरूसँग कुरा सेयर गर्ने
जब हामी विश्वास गर्ने मानिसहरूसँग हाम्रा भावनाहरूको बारेमा खुला रूपमा कुराकानी गर्छौं, यसले त्यसलाई फरक दृष्टिकोणबाट हेर्न मद्दत गर्छ । ठूलाठूला समस्या पनि कुराकानी र अरूको राम्रो सल्लाहबाट समाधान गर्न सकिन्छ ।

असहज भावनाको लागि थेरापी
थेरापीले नकारात्मक भावनाबाट बाहिर निकाल्न मद्दत गर्न सक्छ । थेरापीले मानिसलाई उसको भावना बुझ्न र व्यवहार गर्न सहयोग पुर्याउँछ । यो असहज भावनाहरूसँग सम्झौता गर्नका लागि राम्रो तरिका हो । थेरापीको लागि मनोचिकित्सकको सल्लाह लिन सकिन्छ ।

लोकप्रिय मेसेजिङ एप ह्वाट्सएपले एक नयाँ अपडेट जारी गर्दैछ । योसँगै प्रयोगकर्ताले आफ्नो ह्वाट्सएप अकाउन्टबाट इमेल आइडीलाई लिंक गर्न सक्नेछन् ।एकपटक लिंक भैसकेपछि तपाईंले आफ्नो इमेल आइडीबाटै ह्वाट्सएपमा लगइन गर्न सक्नुहुनेछ । ह्वाट्सएपमा लिंक गरिएको उक्त इमेल आइडी प्रयोगकर्ता स्वयम् बाहेक अरुले देख्न सक्दैनन् ।

ह्वाट्सएपको आइओएस बिटा भर्सन 2.23.24.70 मा यो फिचर देखिएको छ । ह्वाट्सएपका सबै फिचर ट्रयाक गर्ने WABetaInfo ले यस बारेमा जानकारी दिएको छ । बिटा भर्सनका प्रयोगकर्तालाई एपमा एउटा मेसेज आएको छ जसमा इमेल लिंक गरेसँगै अकाउन्टमा लगइन गर्न सहज हुने उल्लेख गरिएको छ ।

इमेल आइडी लिंक गर्नका लागि तपाइँले एक भेरिफिकेसन कोड हाल्नुपर्नेछ जुन तपाइँको इमेलमा आउनेछ । नयाँ अपडेटसँगै प्रयोगकर्तालाई सेटिंग्समा इमेल लिंक गर्ने विकल्प प्राप्त हुनेछ । सेटिंग्समा गएपछि Account खण्डमा इमेल ठेगाना हाल्ने अप्सन आउनेछ । हाल यो फिचरको परीक्षण ह्वाट्सएपका आइओएस प्रयोगकर्तामा भैरहेको छ ।

• मंगलबार २३ अंकले घटेको सेयर बजार बुधबार भने २०.६७ अंकले बढेको छ । सो अंकको वृद्धिपछि नेप्से १८५० विन्दुमा कायम भएको छ ।
• भारतले अनुदानमा दिएको उन्नत जातको १५ वटा मुर्रा राँगा बुधबार नेपाल ल्याइँदैछ । गत जेठमा नेपाल–भारत कृषि तथा पशुपन्छीको क्षेत्रमा सहकार्यको समझदारी भएको थियो । जसअनुसार भारतले नेपालको दुग्ध र मासु विकासका लागि उन्नत जातको मुर्रा राँगा उपलब्ध गराउने घोषणा गरेको थियो ।
• बुधबार छापावाल सुनको मूल्य तोलामा ३ सय रुपैयाँले बढेर एक लाख १६ हजार ५ सय र तेजावी सुनको मूल्य एक लाख १५ हजार ९५० रुपैयाँ कायम भएको छ ।चाँदीको प्रतितोला मूल्य १ हजार ४५५ रुपैयाँ तोकिएको छ ।
• ललितपुर महानगरपालिकामा अत्याधुनिक दुई वटा दमकल थपिएका छन् । ललितपुर महानगरले एक सय मिटर भन्दा धेरै टाढासम्म पानीको फोहोर फाल्न सक्ने डबल क्याबिनको दुई वटा दमकल बुधबारदेखि सञ्चालनमा ल्याएको हो ।जापानिज कम्पनी इसुजुको दमकल ५ करोड ६५ लाख लागतमा भित्र्याएको महानगरले जानकारी दिएको हो ।

युरिक एसिड रगतमा नभई नहुने महत्वपूर्ण तत्व हो। यसले शरीरमा ुएन्टी अक्सिडेन्टुको काम गर्छ। तर, युरिक एसिडको मात्रा चाहिनेभन्दा बढी भएमा यसले जोर्नीहरुमा समस्या ल्याउँछ र गाउट भन्ने रोग लाग्छ। युरिक एसिडलाई एक प्रकारको बाथरोगका रुपमा बुझ्न सकिन्छ।

लक्षण

• खुट्टाको बुढी औँला र आसपासका जोर्नीहरु सुन्निनु।
• जोर्नी राति बढी दुख्नु।
• दुखाइ सहनै नसक्ने हुनु।
• लामो सयम युरिक एसिडको समस्या भएकालाई घुँडा, कुइनो लगायतका जोर्नीहरुमा पनि दुख्नु।
• ज्वरो आउनु, आदि।

असर

युरिक एसिड बढेमा वा गाउटको समयमै उपचार नभएमा मिर्गौलामा असर पार्न सक्छ। यसले मिर्गौला फेल बनाउन सक्छ र मिर्गौलामा पत्थरी हुनसक्छ। गाउटले जोर्नीहरुमा ुडिफर्मेसनु (जस्तैः खुट्टाको बुढी औँला र जोर्नीहरुको आकार वा स्वरुप बिग्रनु) ल्यादिन्छ। युरिक एसिडले विस्तारै मुटुमा पनि असर पुर्याउँछ। यस्तै, शरीरका विभिन्न अंगमा जटिल समस्या ल्याइदिन सक्छ।

बच्ने उपाय

१, नियमित व्यायम गर्ने।
२, पर्याप्त मात्रामा पानी पिउने। तर, मुटुका बिरामीले भने पानीको मात्रा चिकित्सकको सल्लाह अनुसार पिउनुपर्छ।
३, धूमपान र मध्यपानबाट टाढै बस्ने।
४, प्युरिन तत्व बढी हुने रातो मासु, गेडागुडी, गालेको अचार, फुलगोभी, च्याउ, पालुङ्गोको सेवन कम गर्ने।
५, गुलियो पदार्थ वा यस्ता अन्य पेय पदार्थको प्रयोग कम गर्ने।
६, शरीरको वजन घटाउने।
७, नियमित औषधिको प्रयोग गर्ने।
८, समय(समयमा चिकित्सकको परामर्श लिने।