सोनापुर मिनिरल्स एण्ड आयल सिमेन्टको सेयर नेप्सेमा सुचीकृत भएर कारोबार सुरु भएको तेस्रो दिन पनि नकारात्मक सर्किट लागेको छ । मंगलबार प्रतिकित्ता २८३ रुपैयाँ ५० पैसाबाट खुलेको कम्पनीको मूल्य १० प्रतिशत घटेर २५५ रुपैयाँ २० पैसामा कायम भएको छ ।
मंगलबार छापावाल सुनको मूल्य प्रतितोला ५ सय रुपैयाँले घटेर एक लाख १६ हजार रुपैयाँ र तेजावी सुनको प्रतितोला मूल्य एक लाख १५ हजार ९५० रुपैयाँ कायम भएको छ । चाँदीको तोलामा १ हजार ४ सय २० रुपैयाँ कायम भएको छ ।
असोज मसान्तमा कालीमाटीको होलसेल बजारमा ७६ रुपैयाँ रहेको सुकेको प्याजको मूल्य १३ कात्तिकमा अधिकतम् १ सय २० रुपैयाँसम्म पुग्यो । अर्थात्, गएको १३ दिनमै प्याजको मूल्य ४४ रुपैयाँ अर्थात् ६० प्रतिशतले बढेको छ ।
सिद्धार्थ बैंकले मंसिर ५ गतेका लागि साधारणसभा बोलाएको छ । बालुवाटारस्थित अम्रपाली बैंक्वेटमा हुने साधारणसभाले घोषित ४.२१ प्रतिशत नगद लाभांश पारित गर्नेछ । सो लाभांश पारित भएपछि मात्रै सेयर लगानीकर्ताले पाउने छन् ।
