अनलाइन विद्युत महसुल भुक्तानी गर्न दुई घण्टा थप भएको छ । नेपाल विद्युत प्राधिकरणले यस आर्थिक वर्षदेखि बिहान ८ बजेदेखि राति १२ बजेसम्म अनलाइन भुक्तानी गर्न सकिने व्यवस्था लागु गरेको हो ।
प्राधिकरणका उपसचिव रविन्द्रराज श्रेष्ठका अनुसार यसअघि बिहान १० बजेदेखि १२ बजेसम्म अनलाइन भुक्तानी गर्न सकिन्थ्यो । सेवाग्राहीको सहजताका लागि बिहान दुई घण्टा थप गरिएको उनले सुनाए ।
“हामीले बिहान दुई घण्टा थप गरेका छौं,” टेकपानासँग श्रेष्ठले भने, “अब ८ बजेदेखि नै भुक्तानी गर्न सकिन्छ ।”
श्रेष्ठका अनुसार प्राधिकरणको सिस्टम केन्द्रीकृत नभएकाले अनलाइन भुक्तानीमा समय सीमा राखिएको छ । उपभोक्ताले २४ सैं घण्टा अनलाइनबाटै भुक्तानी गर्न सकिने गरी प्राधिकरणले काम गरिरहेको उनले सुनाए ।
