नेपाली बजारमा अन्तर्राष्ट्रिय ब्रान्डप्रतिको आकर्षण बढ्दै गइरहेको छ । यस्तोमा नेपाली ब्रान्डलाई अन्तर्राष्ट्रिय रूपमा चिनाउने दौडमा छिन् पूजा रिमाल । उनको यो दौडमा साथ दिएका छन् पूजा पाण्डे र सस्मिता बिडारीले ।
नेपाली पहिचान र नेपाली उत्पादनलाई बजारमा स्थापित गराउने उद्देश्यका साथ उनीहरूले २०७४ मा ‘भोटो’ सुरु गरे । भोटो नेपाली उत्पादनबाट निर्मित कपडाको ब्रान्ड हो । यो नेपाली फेसनशैलीको प्रतिनिधित्व गर्ने लक्ष्यका साथ अघि बढेको छ ।
